बेलौरी : लागूऔषधसहित दुई महिला पक्राउ

२०८० चैत ९ शुक्रबार

बेलौरी, कञ्चनपुर -

कञ्चनपुरबाट लागूऔषधसहित दुई महिला पक्राउ परेका छन् ।

जिल्लाको बेलौरी नगरपालिका–४ शान्तिपुरबाट ९२ ग्राम ७१ मिलिग्राम लागूऔषधसहित दुई महिलालाई प्रहरीले हिजो(बिहीवार) दिउँसो पक्राउ गरेको हो ।

पक्राउ पर्नेहरूमा सोही ठाउँका ४८ वर्षीया प्रेमसागर कुमारी राना र २२ वर्षीया सिर्जना राना रहेका छन् । इलाका प्रहरी कार्यालय बेलौरीबाट खटिएको प्रहरीले दुवै जनालाई लागूऔषधसहित पक्राउ गरेको जनाएको छ । यस सम्बन्धमा प्रहरीले आवश्यक अनुसन्धान गरिरहेको छ ।