शिक्षा, विज्ञान तथा प्रविधिमन्त्री सुमना श्रेष्ठले सोर्सफोर्स लगाएर अनुचित नियुक्ति वा अनावश्यक सरुवा बढुवा खोज्नेहरूमाथि कारबाही हुने चेतावनी दिएकी छन् । सामाजिक सञ्जालमा एक पोस्ट गर्दै मन्त्री श्रेष्ठले सोर्सफोर्स वा बार्गेनिङ गरेको प्रमाण भेटे उजुरी दिन आग्रह गरेकी हुन् ।

“कहिँकतै पनि भर्ना गर्न वा छात्रवृत्ति पाउन मेरो वा हाम्रा कर्मचारी साथीहरूको नाम लिएर कोही बार्गेनिङ गर्न आए प्रमाणसहित सिधै खबर गर्नुहोला । निर्ममतापूर्वक कारबाही हुनेछ । हामीलाई परिणाम चाहिएको छ,” उनले लेखेकी छिन् ।

त्यस्तै शिक्षा मन्त्रालय वा मातहतका निकायमा कुनै पनि किसिमको अनुचित नियुक्ति वा अनावश्यक सरुवा बढुवाको लागि कसैले सोर्सफोर्स लगाउन खोजे उसको मूल्याङ्कनमा ०.५ नम्बर घटाइने समेत उनले उल्लेख गरेकी छिन् ।

साथै उजुरी प्राप्त हुनासाथ अनुसन्धान गरेर तत्काल कारबाही गरिने समेत उनले स्पष्ट पारेकी छिन् । शिक्षामन्त्रीलाई उजुरी पठाउन complaints@moest.gov.np मा मेल पठाउन सकिनेछ ।

आज अक्षय तृतीया

आज वैशाख शुक्ल तृतीया अर्थात अक्षय तृतीया, जौको सातु र सर्वत खाएर मनाइँदैछ । गर्मी बढ्ने समयमा शीतलता प्रदान गर्ने आहारको रुपमा जौको सातु र सर्वत पानी

आज मातातीर्थ औँसी, आमाको मुख हेर्ने दिन

आज मातातीर्थ औँसी । हरेक वर्ष वैशाख कृष्णपक्ष औँसीका दिन आमालाई सम्मान गरी आमाको मुख हेर्ने गरिन्छ । आज आमालाई मीठा खानेकुरा र उपहार दिई आशीर्वाद लिएर

सन्दीप लामिछानेको मुद्दामा आज सुनुवाइ

क्रिकेटर सन्दीप लामिछानेको मुद्दामा आज सुनुवाइ हुँदै छ । उच्च अदालत पाटनमा आजका लागि पेशी तोकिएको छ ।    यसअघि गत आइतबार अदालतले आज पहिलो