कञ्चनपुर : सिकारीकाे पासाेमा चितुवा फस्याे
कञ्चनपुर -
कञ्चनपुरको चुरे वन क्षेत्रमा शिकारीको पासोमा एक चितुवा परेको छ । कृष्णपुर नगरपालिका १ मोतिपुरमा शिकारीको पासोमा एक चितुवा परेको हो ।
दिपेन्द्र स्मृति सामुदायिक वन क्षेत्रमा शिकारीले थापेको पासोमा चितुवा परेको डिभिजन वन कार्यालय कञ्चनपुरले जनाएको छ । डिभिवन वन कार्यालय कञ्चनपुरका प्रमुख भीम प्रशाद कँडेलले शिकारजन्य गतिविधिमा संलग्न गिरोहले वन्यजन्तु मार्नका लागि बिछाएको जालोमा चितुवा परेको बताए ।
‘चितुवा परेको खबर हामीलाई हिजै राती आएको थियो, ‘उनले भने, ‘उद्दारका लागि राती सम्भव भएन, प्राविधिक टोली लगेर उद्दार गछौँ ।’ अहिलेसम्म चितुवाको स्वास्थ्य अवस्था ठिकै रहेको र खुट्टामा चोट लागेको अनुमान गरेको उनले बताए । ‘शुरुमा हामी उद्दार गर्दै उपचार गछौँ, त्यसपछि निकुञ्ज वा कहाँ कुन वनमा लगेर छाड्ने विषयमा अवस्था अनुसार अघि बढ्छौँ ।’ संरक्षणकर्मीहरुले समयमै चितुवाको उद्दार हुनुपर्ने बताएका छन् ।
संरक्षणकर्मी एवं सामुदायिक वन समन्वय समितिका अध्यक्ष महेश दत्त जोशीले उद्दारमा ढिलाई गर्न नहुने बताए । उनले एकातिर वन संरक्षणले वन्यजन्तुको गतिविधि बढिरहेको र अर्कातिर शिकारी तस्कर समुहले वन, वन्यजन्तु संरक्षण चुनौती थपिदिएको भन्दै त्यसतर्फ सरोकारवालाको ध्यानाकर्षण गराए ।
संरक्षणकर्मीहरुले जिल्लाको उत्तरी चुरे ब्रम्हदेबदेखि मालुबेलासम्म चोरीतस्करी जस्ता वन, वन्यजन्तु अपराध बढिरहेकाले नियन्त्रणमा जोडदिएका छन् । यसरी पासो थाप्ने शिकारी समुहको पहिचान गरेर कार्बाहीको समेत माग अघि सारिएको छ ।
बेलाैरी : उद्यम विकासद्वारा तीन महिने हाउस वाइरिङ्ग तालिम सम्पन्न
चन्द्रिका चाैधरी / बेलाैरी, कञ्चनपुर - साेमबार बेलाैरी नगरपालिका उद्यम विकास शाखाकाे आयोजनामा तीन महिने हाउस वाईरिङ्ग तालिम सम्पन्न भएको छ
सुदूरपश्चिम : ७५ प्रतिशत नागरिक उच्च गुणस्तरको खानेपानीको पहुँच बाहिर
सुदूरपश्चिम प्रदेशमा अझै पनि ७५ प्रतिशत नागरिक उच्च गुणस्तरको खानेपानीको पहुँचमा पुग्न सकेका छैनन । खानेपानी आयोजनाद्वारा निर्मित ‘फिल्टर’
माइती नेपाल कञ्चनपुरद्वारा तीन महिलाको उद्धार
कञ्चनपुर- माइती नेपाल कञ्चनपुरले भारतबाट तीन जना महिला तथा बालबालिकाको उद्धार गरेको छ । उद्धार गरिएका मध्ये बझाङकी ३२ बर्षकी सबिता(नाम परिवर्तन),
प्रतिकृया दिनुहोस